Հայերեն աֆորիզմներ - Աֆորիզմներ - Նյութերի ընտրություն

Ամեն տխմար կգտնի էլ ավելի մեծ տխմարի, որը կսկսի հիանալ նրանով:

Ամեն մարդ, լուսնի նման, ունի իր չլուսավորված երեսը, որը նա ոչ ոքի ցույց չի տալիս:

Գեղեցկության կողքին խելքն ու սիրտը մշտապես աղքատ բարեկամների տպավորություն են գործում:

Ոչ մի բան այնպես միահամուռ չեն գովում, ինչպես լավ եղանակը, և այն պատճառով, որ այն կարելի է գովել առանց նախանձի:

Ով կարող է` անում է, ով չի կարող` սովորացնում է:

Իրեն չվերաբերվող կռիվներում կրակ բորբոքողը իրավունք չունի դժգոհելու, երբ կայծերը դիպչում են նրա երեսին:

Կասկածը հավատի չափանիշն է:

Սերը նման է աշխարհում ամեն ինչի և չի նվանվում ոչնչի:

Հաճելի է հիշել ձախորդությունները, երբ նրանք անցել են:

Մի մարդու հաջողությունը միշտ մի ամբողջ սերնդի մղում է ձգտումների և խիզախության:

Բավական չէ բժիշկ լինել, պետք է կարողանալ բուժել:

Իսկապես նշանավոր մարդ կարող է լինել միայն նա, ով առօրյա գործերում ընդունակ է մնալու իբրև սովորական մարդ:

Սիրտը հարստություն է, որը չի վաճառվում և չի գնվում, բայց զոհ է մատուցվում:

Հիմար մտքեր ունենում է յուրաքանչյուրը, միայն խելոքը դրանք չի արտահայտում:

Ով վախենում է տառապանքներից, նա արդեն տառապում է վախից:

Խելոք խոսելն դժվար է, իսկ խելոք լռել` ավելի դժվար:

Կանայք, ինչպես և երազները, երբեք այնպիսին չեն, ինչպիսին ուզում ես նրանց տեսնել:

Եթե դու չես կարողանում օգտվել բախտից, երբ նա ինքը լողում է դեպի քո ձեռքը, մի տրտնջա, եթե նա անցնում է կողքովդ:

Ում սիրում է տերը, նրան ատում են մնացած ծառաները:

Ավելի հաճախ հաղթում է նա, ում լրջորեն չեն վերաբերվում:

Մենք շատ բաներ ենք ասում, բայց երբ ժամանակը հասնում է ամենակարևոր խոսքերին, լռում ենք…

Սահմանափակ մարդիկ սովորաբար դատապարտում են այն ամենը, ինչ դուրս է նրանց մտահորիզոնի սահմաններից:

Ընկերությունը, որը ընդհատվել է, ճիշտն ասած, երբեք էլ չէր սկսվել:

Լավագույն տարբերակի ընտրությունը երբեմն բարդանում է դրա չափազանց պարզ լինելու հանգամանքով:

Մեծագույն սխալը, որը մարդ կարող է գործել իր կյանքում, սխալվելու հնարավորության հանդեպ մշտական ահի մեջ գտնվելն է:

Երջանկությունը անհամբեր մարդկանց վաճառում է մեծ քանակությամբ այնպիսի բաներ, որոնք ձրի տալիս է համբերատարներին։

Սերը թեորեմ է, որն անընդհատ պետք է ապացուցել:

Հին ու բարի ժամանակներում գրքեր գրում էին գրողները, բայց կարդում էին բոլորը, իսկ հիմա գրքեր գրում են բոլորը, բայց չի կարդում ոչ ոք։

Ծխելը թույլ է տալիս հավատալ, որ դու ինչ-որ բան ես անում , երբ ոչինչ չես անում:

Լռողները միշտ խելոք են լինում: Մինչև անգամ այն հիմարը, որ լռում է` խելոք է: Կնշանակի այնքան խելք ունի որ հասկանում է թե հիմար է, ուստի լռում է, որ չիմանան թե հիմար է:

Սերը հրաշալի ծաղիկ է, բայց պահանջվում է խիզախություն անդունդի եզրին մոտենալու ու նրան պոկելու համար:

Չկա ոչինչ ավելի հետաքրքիր երկու սիրահարների խոսակցությունից՝ որոնք լռում են:

Չնայած իրենց թերություններին, մարդիկ ամենից շատ արժանի են սիրո:

Սիրված լինելը՝ ավելին է, քան հարուստ լինելը, քանի որ սիրված լինել՝ նշանակում է երջանիկ լինել:

Կան մարդիկ, որոնք նման են ժամանակակից խանութներին, ցուցափեղկերում ամեն ինչ կա, սակայն մտնում ես՝ դատարկ է:

Չսպասեք, թե աշխարհը լուսավոր կերևա, եթե դուք չեք հանում սև ակնոցները:

Ոչ ոք այնպիսի խորհուրդներ չպետք է տա ուրիշներին, որոնց ինքը չի հետևում:

Խորհուրդ տալ ցանկացողները հերիքում են, իսկ կատարողները՝ այնքան էլ չէ:

Ով ուզում է աշխարհը տեղաշարժել՝ թող իրե՛ն տեղաշարժի:

Սերն անհնար է թաքցնել, իսկ երբ այն անցնում է, թաքցնելն ավելի դժվար է:

Մինչ շուրթերը դատապարտում են, սիրտն արդարացնում է:

Սերը, փողը և հոգսերը թաքցնել անկարելի է:

Հեռավորությունը սիրո համար նույն է ինչ քամին կրակի.թույլը մարում է ուժեղը բորբոքվում: