Համակարգիչը իր աշխատանքի ընթացքում առաջացնում է աղմուկ: Աղմուկ կարող է առաջանալ կոշտ սկավառակից (Жесткий диск), համակարգչի կորպուսից, որը կարող է առաջացնել վիբրացիա, և օդափոխիչից (вентилятор), սակայն աղմուկի հիմնական աղբյուրները մնում են օդափոխիչները: Համակարգչի աղմուկը ցածրացնելու համար առաջնահերթ անհրաժեշտ է մաքրել համակարգչի կորպուսում գտնվող բոլոր օդափոխիչները: Օդափոխիչների վրա գտնվող փոշին բացի աղմուկի աղբյուր հանդիսանալուց, վատացնում է նաև համակարգչի կորպուսում օդափոխումը և հանգեցնում է ջերմաստիճանի աճին, որը անցանկալի երևույթ է: Օդափոխիչները փոշուց մաքրելուց բացի ցանկալի է դրանք յուղել: Երբեմն այդ ամենը սխալ անելու պատճառով մեծանում է համակարգչի աղմուկը և առաջանում է բզզոց: Դիտեք ներքևի վիդեոները, օդափոխիչները հանելու և յուղելու համար: Ներքևի վիդեոն միայն համակարգչի մայր պլատայի վրա գտնվող օդափոխիչի մասին է, իսկ այն օդափոխիչը, որը գտնվում է կորպուսի վրա, հանելը բավականին հեշտ է:
Բացի օդափոխիչներից պետք է նաև ուշադրություն դարձնել նաև համակարգչի կորպուսին: Համակարգչի աշխատանքի ժամանակ կորպուսը մտնում է վիբրացիայի մեջ և առաջանում է բավականին բարձր աղմուկ: Այդ ամենը վերացնելու համար պետք է փոխել համակարգչի կորպուսի դիրքը, հեռացնել դրա վրա գտնվող առարկաները, անհրաժեշտության դեպքում դրա տակ դնել կտոր:
